Formatiounen

An eisen Ae steet Professionalitéit an engem enken Zesummenhang mat der Bereetschaft sech weider ze bilden. Och am pedagogesche Beräich huet sech an deene vergaangene Jore/Joerzéngte vill verännert. Nei, alternativ Methoden an Usätz sinn entstanen oder goufe weiderentwéckelt. Dozou gehéiert och d’Abenteuer- an Erliefnespedagogik, déi mëttlerweil op internationalem Niveau ënnert verschiddenen Nimm (Outdoor Education, Adventure Education, Experiental Learning asw.) bekannt an a villen Institutioune fest verankert ass.

Wärend ville pedagogeschen Ausbildunge kënnt dat zukünfteg Léierpersonal, déi zukünfteg Educateure/Educatricë mat alternativen Usätz a Kontakt, mee oft feelt et un der Zäit fir sech méi intensiv mat deenen eenzelen Usätz a Methoden auserneen ze setzen. Erliefnespedagogesch Methode stellen allerdéngs eng grouss Beräicherung fir de pädagogeschen Alldag duer. Dowéinst kann et souwuel fir Berufsufänger wéi och fir erfahre Pedagoge*inne lounenswert sinn, sech an dësem Beräich weider ze bilden. Bäi Bedarf an deem néidegen zäitleche Viirlaaf besteet och d’Méiglechkeet eng offiziell Validatiounsnummer fir eng spezifiesch Formatioun iwwer Enfance-Jeunesse unzefroen.  D’Formatiounsstonne ginn dee Moment wéi gewinnt fir d’Personal am non-formale Beräich ugerechent.

Dir sidd eng pedagogesch Institutioun oder Deel vun enger pedagogescher Equipe a wëllt Iech oder/an är Mataarbechter an dësem Beräich weider bilden? Dann kontaktéiert eis gären a mir schaffen dat passend Format fir a mat Iech aus.

team outdoor seminar teambuilding luxembourg

Dir wëllt kucken wéi eng Programmer deemnächst ustinn, oder sidd op der sich no enger bestëmmte Formatioun? Ënnert dem Link hei drënner fannt dir all eis aktuell geplangten Events.

“Planst Du für ein Jahr, so säe Korn, planst Du für ein Jahrzehnt, so pflanze Bäume, planst Du für ein Leben, so bilde Menschen.”

Guan Zhong (-645 v.Chr.), chinesische Politiker a Philosoph