PEdagogik

Hei fann der een Iwwerbléck iwwert eis Leeschtungen am pädagogesche Beräich. All eis Programmer, Aktivitéiten & Projete ginn an Zesummenaarbecht mat Iech an an Ofhängegkeet vun de Bedürfnisser a Besonneschkeete vun ärem Jugendgrupp ausgeschafft, respektiv dorunner ugepasst. 

Erliefnespedagogik fir Schoulen an Jugendhaiser

Fir pedagogesch Institutiounen ass d’Plangen an d’Ëmsetzung vun erliefnespedagogeschen Aktivitéiten oft mat engem groussen zäitlechen an organisatoreschen Opwand verbonnen. Een Opwand, den oft am Kader vun der regulärer Aarbechtszäit an nieft den alldeeglechen Aufgabe vum pedagogesche Fachpersonal nëmme schwéier ze bewältegen ass. Aus dësem Grond bidde mir eng Rei un verschidde Bausteng un, déi an Ofhängegkeet vu verschiddene Facteure wéi Alter, Interessen, Virerfarung, Zäitopwand oder aktuell relevante schouleschen a gesellschaftlechen Theme modifizéiert a kombinéiert kenne ginn.  

Folgend Bausteng kënne souwuel als Hallewsdagprogramm (ca. 3 Stonnen), respektiv Dagesprogramm (ca. 6 Stonnen) gebucht ginn, wéi och zu Méidagesprogrammer kombinéiert ginn. 

  • Kooperativ Abenteuerspiller
  • Mobillen Niddregseelgaart (1/2 Dag)
  • Orientéierungstouren & Geocaching
  • Abenteuerrallyes
  • Citybound-Programmer
  • Kugelbunn aus Naturmaterialien 
  • Floßbau (an Ofhängegkeet vum Accès zu Waasser) 
Fir méiglechst nohalteg Léierprozesser ustoussen ze kënnen, géife mir Iech urode Méidagesprogrammer fir äre Jugendgrupp ze consideréieren. Eenzel Dagesprogrammer kënne natierlech och iwwert ee längeren Zäitraum verdeelt a kombinéiert ginn.

Gewaltpreventioun duerch Kämpfen

Speziell am Jugendalter feelt et ville Jongen oft un der néideger Plattform fir déi eege Grenzen auszetesten an sech mat Gläichaltregen op eng positiv Aart a Weis ze miessen. Dat féiert oft dozou, dat no anere Méiglechkeete gesicht gëtt fir der opgestauter Energie an den eegene Gefiller ee Ventil ze verschafen. Respekt, Toleranz, Hëllefsbereetschaft a Wäertschätzung si just puer wichteg Wäerter déi am Beräich Gewaltpräventioun mat Jonge kënnen erfuerbar gemaach ginn. Duerch verschidden Übungen a Spiller, an deenen op eng Fair Aart a Weis matenee gekämpft gëtt, bidden eis Moduler de Participanten den néidege Raum fir hier eegen an aner Grenzen ze testen, ouni mussen ee reelle Konflikt ze sichen.

Déi gemaachten Erfarunge ginn an den uschléissende Reflexiounsronnen thematiséiert fir wichteg Léierprozesser ze ënnerstëtzen an een Transfer an den Alldag ze erméiglechen.

Souwuel Dagesprogrammer déi z.B. am Kader vu Projetsdeeg un Schoule mat integréiert kënne ginn, wéi och fir Langzäitprogrammer mat wöchentlechen Eenheeten iwwert ee längeren Zäitraum  kënnen ugebuede ginn. D’Mindestdauer vun engem sougenannte Spannungsbou (Bausteen) läit bei 90 Minutten. Doduerch dat mir bäi dësem Usaatz haaptsächlech mat geschlechterhomogene Gruppe schaffen, kënne mir am Moment just mat männleche Jugendgruppe schaffen.

Dir sidd Iech nach net sécher op dëst Konzept zu ärem Grupp passt? Dann kontaktéiert eis gäre fir méi Informatiounen an eng méiglech Schnuppereenheet. 

 

Selbstbehaaptungstrainings

StarkerTeenager

Selbstbehaaptungstraining ass ee Begrëff den a Lëtzebuerg nach net wäit verbreet ass. Dëst Konzept geet iwwert den Usaz vun de Kampfesspiele® eraus an huet als Ziel, een Individuum a sengem Selbstkonzept ze stäerken an an senger Perséinlechkeetsentwécklung ze ënnerstëtzen, sou dat och méi schwiereg Situatiounen am (Schoul-)Alldag besser gemeeschtert kënne ginn. Duerch d’Mëschung vu Kooperatiounsaufgaben, Beweegungsspiller, Kampfesspiele® an Reflexiounseenheete presentéiert sech dësen Usaz als immens versatil an erlaabt et op eng kreativ an attraktiv Aart a Weis eng ganz Bandbreet u geschlechterspezifischen Themen ze integréieren an ze thematiséieren. Gläichzäiteg bidden d’Trainingsenheeten ee sëchere Kader fir eventuell dominéierend Geschlechterstereotypen ze hannerfroen.

Als methodescht Tool fir déi symbolesch Duerstellung vun deene fënnef trainéierten Kärkompetenzen ass d’Hand vun der Selbstbehaaptung (DE – Hand der Selbstbahauptung) ee wichtege Bestanddeel vun dem Selbstbehaaptungstraining.

Engersäits bitt Si eng gutt Iwwersiicht iwwer méiglech Themen an Inhalter vun deenen eenzelen Eenheeten, anerersäits bitt Sie eng gudd Ënnerstëtzung während de  Reflexiounseenheeten.

Folgend Kärkompetenze ginn trainéiert:

  • Sech selwer an Anerer wouerhuelen (Domm) 
  • Wierksam sinn (Zeigefanger)
  • Verantwortung iwwerhuelen (Mëttelfanger)
  • Zesumme vertrauen (Rangfanger)
  • Hëllef sichen an ubidden (Klénge Fanger)

Doduerch dat mir bäi dësem Usaz mat geschlechterhomogene Gruppe schaffen, kënne mir am Moment just mat männleche Jugendgruppe schaffen.

Bësch- an Spillpädagogik

Besonnesch am Primärschoulsalter bidden sech vill Méiglechkeete fir de Kanner op eng interessant a spilleresch Aart a Weis d’Natur méi no ze bréngen an eng positiv Relatioun mat der natierlecher Ëmwelt opzebauen. Ausserdeem ka spezifescht Wësse mat direkten Erfarungen a Relatioun bruecht ginn an esou besser zougänglech gemaach ginn. D’Bëschpädagogik bitt an dëser Hisiicht eng Rei spannend Usätz an Aktivitéiten. 
A Kombinatioun mat der Spillpädagogik, déi de Besoin vu Kanner un spillereschen an oft fantasievollen Aktivitéiten unerkennt, loosse sech ganz interessant Programmer entwéckelen. Duerch eng passend Hannergrondgeschicht, wéi z.B. Robin Hood, Wikinger, Ritter, Indianer asw. kënnen des Programmer besonnesch interessant a “immersiv” gestallt ginn. 

Eis Programmer sëtzen sech je no Besoins folgenden Aktivitéiten zesummen:

  • Naturerfarungsspiller & -atelieren
  • Kooperatiounsaufgaben
  • Geländespiller 
  • Beweegungsspiller
  • Bastelatelieren
  • Schnitzatelieren
  • Interaktiv Wanderungen
  • Nuetsaktiounen (z.B. Nuetswanderung)

Gäre schaffe mir a Kooperatioun mat Iech ee passende Programm aus, den z.B. och Themen aus der Schoul (z.B. Eveil aux Sciences, Geschicht) mat opgräift.  Wichteg ass fir eis dobäi, dat déi lokal Ëmgéigend mat abezunn gëtt.

Dir interesséiert Iech fir eent vun eisen Angeboter? 

Dir huet eng spezifesch Fro oder fannt net déi néideg Informatiounen?

Dann kontaktéiert eis gären: